العودة   منتديات نجوم > قسم شباب × بنات > منتدى حواء العام > الميك اب والعنايه بالبشره

لأول مرة موضوع شامل لكل مايخص التجميل حصريا لعيون المنتدى

اطلبي واسألي عن اي شئ يخص التجميل سواء كان ميك اب او بيرفيم او هير كير او سكين كير او لمشاكل التجاعيد اوسقوط الشعر او كل انواع الصن بلوك ومستلزمات

إضافة رد
 
LinkBack أدوات الموضوع انواع عرض الموضوع
  1 (permalink)  
قديم 2010-05-26
zakkoka zakkoka غير متواجد حالياً
::: دكــتـور تـجمـيل :::
افتراضي لأول مرة موضوع شامل لكل مايخص التجميل حصريا لعيون المنتدى




اطلبي واسألي عن اي شئ يخص التجميل سواء كان ميك اب او بيرفيم او هير كير او سكين كير او لمشاكل التجاعيد اوسقوط الشعر او كل انواع الصن بلوك ومستلزمات الاطفال والتخسيس وزيادة الوزن والاجهزة الرياضية البسيطة وصبغات الشعر والكيرياتين .

فقط اسألى ستجدي معلومات وفيرة عن كل ما تحتاجين ووفري وقتك ومجهودك واموالك.
والموضوع ليس مقتصر على التجميل للسيدات فقط لكن يشمل كل ما يتعلق بتجميل الرجل وسقوط الشعر وشيب الشعر والصلع الوراثي واجهزة الحلاقة ومواد التخسيس والبادي بيلدنج.

في انتظار اول من يسأل او تسأل في خدمتكم عشان خاطر عيون المنتدى.
دخولي يوميا واعطي الردود.
اذا قصرت في الردود وهذا سيكون غصب عني ارجو محادثتي على ايميلي
zakkoka@yah

اخوكم زكي شعبان اخصاءي تجميل عضو بالمنتدى


يهمنا رايك في الموضوع ضع تعليقك بحساب الفيس بوك




gH,g lvm l,q,u ahlg g;g lhdow hgj[ldg pwvdh gud,k hglkj]n

رد مع اقتباس
  2 (permalink)  
قديم 2010-05-26
ADMIN أيــن أنـتـى ADMIN أيــن أنـتـى غير متواجد حالياً
كبار الشخصيات
افتراضي

اهلا اهلا اهلا اهلا بيك يا باشا

استمر وتحصل على لقب دكتور المنتدى شد حيلك وننتظر جديدك وتم التثبيت لاهمية الموضوع

تحياتى
رد مع اقتباس
  3 (permalink)  
قديم 2010-05-26
zakkoka zakkoka غير متواجد حالياً
::: دكــتـور تـجمـيل :::
افتراضي شكرا ليك اوي

متشكر جدا لشعورك الرائع واتمنى حد يتابع معايا الموضوع لانى عايز اخدم المنتدى ده عشان انا حبيته اوى
رد مع اقتباس
  4 (permalink)  
قديم 2010-05-31
HEBA HEBA غير متواجد حالياً
عضو
افتراضي

ميرسى اوى على اهتماك بينا يا ذكى
وانا عن نفسى عاوزة 50 سؤال
مستعد...
اول حاجة عاوزة اسم صن بلوك كويس عشان المصيف بس للبشرة الحساسة
تانى حاجة بالنسبة لسقوط الشعر وطبعا دى مشكلة كل البنات تعرف اسم مستحضر طبى مش تجميلى يتقل الشعر ويخليه يبطل تساقط!
مع العلم ان الشعر ده نوعة بين العادى والدهنى يميل للدهنى يعنى وهو دلوقتى كويس بس بيتاسقط بردو وزمان كان قد كدة مرتين تلاته فالواحد خايف على نفسه بردو....
بس وميرسى اوى واحنا اكيد سعداء لوجودك معناbye
رد مع اقتباس
  5 (permalink)  
قديم 2010-06-01
zakkoka zakkoka غير متواجد حالياً
::: دكــتـور تـجمـيل :::
افتراضي اتفضلي يا استاذة هبة وانا في الخدمة

يا استاذه هبة ده شرف ليه انا انى اكون في وسطيكم وانا مبسوط انى عرفت ناس كويسين زيكم.

اولا:- بالنسبة للصن بلوك في نوعين للصن بلوك .

اول نوع بيحفز خلايا milano cytes انها تنتج مادة اسمها ((ميلانين)) والمادة دى هي اللي بتعطى الجلد لونه بمعنى ان زيادتها يسبب اسمرار البشرة. والمادة دى هى اللي بتمتص الاشعة الضارة وهى uva & uvb والصن بلوك ده بيحفز انتاج ((الميلانين)) فالبشرة تنتج ((ميلانين)) كتير يعمل ((شمسية)) على سطح الجلد فيمنع دخول الاشعة الضارة للجسم .
وعيوب هذا النوع انه يسبب اسمرار البشرة فأنتى تحسي ان الصن بلوك معملش معاكى حاجة حطيتيه وبردو اسمريتي. لكن هو عمل ومفعوله قوى جدا . وميزته ان حمايته عالية جدا.تصل ل 8 ساعتا لو حماية 100. يعني مفيش اشعة ضارة هاتخش جلدك خالص.
تاني نوع هو النوع العاكس يعنى الاشعة زى ماتسقط على الجلد زى ماتنعكس بنفس زاوية الانكسار والنوع ده جميل جدا كأنك حاطة مراية على جلدك . ومهما قعدتي في الشمس مش هاتسمري ومفيش اشعة ضارة هاتخش جلدك.
بس عيوبه انه ممكن يعمل طبقة بيضاء خفيفة على سطح الجلد بتضيع بعد دقائق.
وتانى عيب ان اعلى حماية فيه مش هاتستمر اكتر من 3 ساعات يعني لازم تجدديه كل 3 ساعات. اما مميزاته انه عاكس للاشعه و ضد المياة. ولايسبب اسمرار البشرة ولايسد المسام ومثالى جدا جدا للبشرة الحساسة جدا او التى تصل حساسيتها لدرجة التسلخ.

طيب ازاى اعرف ان الصن بلوك ده محفز ميلانين ولا عاكس للاشعة
بسيطة جدا امسكي العبوة ومن غير ما تسألي البياع اللى هايكون معاكي لانه مش هايكون عارف. اقرأى المكونات هاتلاقيها مكتوبة بالانجليزي ingredients اقرى الكلام اللى تحتيها ولو لقيتي zinc oxide و titinium dioxide يبقى من غير كلام ده عاكس للاشعة. لو مش موجودين يبقى ده مش عاكس.
ده نوع اسمه بيوديرما فوتوديرم وده اعلى حماية 100 وده مش عاكس وفي منه كريم للبشرة الجافه وفي فلويد للبشرة الدهنية او المختلطة0

وده نوع اسمه يوفي بلوك وده عاكس

وده نوع جامد جدا اسمه افين ده بقى وهم ده عاكس ولايسد المسام وده حماية عالية جدا وفي منه حمايه عالية وليس عالية جدا نفس العبوة بس لونها ابيض.

وانا انصحك تشتري افين او يوفي بلوك


نيجي بقى لتساقط الشعر

ليه الشعر بيسقط :
قلة تغدية بسبب ريجيم او حمل او رضاعة او اكتئاب او قلة نوم او سوء التغذية.
او صلع وراثي. وكل اللى فات ممكن يتعالج الا الصلع الوراثي. علاجه ان المريض بياخد علاجات توقف التساقط وشعره بيفضل على الىحالة اللي هو بدء العلاج عندها ولو بدأ بدري يتعالج شعره هايثبت كدة. ولو بدأمتاخر بردو شعره هايثبت على كدة.

بالنسبة للحالات السابقة كلها ونضيف عليها حالات الثعلبة ممكن علاجها بالفيتامينات وشامبوهات مقوية. وزيوت مقوية ومسرعات نمو الشعر وليس مسرعات انبات الشعر لان مفيش حاجة اكتشفت لحد دلوقتى تخلى الشعر ينبت من جديد واللي يقول كدة يبقى نصاب يا اما مش فاهم حاجة.
اما الصلع الوراثي بيكون عند الرجال وبعض السيدات بيكون سببه هرمون رجالي اسمه testistiron مع تقدم العمر والبلوغ بيتحول لمادة اسمهاDHT المادة دي بتسبب تضخم البروستاتا والشعر الغزيز في الجسم عند الرجال والصلع فى الرأس و المادة دى بتترسب على جذور الشعر بتفصل ال papilla وهى المسئولة عن امداد الشعر بالغذاء عن جذور الشعر فلما دى بتنفصل عن دى . الشعرة تقع .
ماذا عن العلاج:-
بالنسبة للحالات العادية.((ده احسن كورس من الاخر)).

شامبو اكرينال رجالى او حريمى حسب نوع المستخدم وانا شايف ان الفرق بينهم طفيف جدا
مع كبسولات اسمها بانتوجار في منها المصري والمستورد .
الكبسولات صباحا ومساءا والشامبو يوميا . وبع الشامبو بنستخدم دهان للشعر اسمه كامينوموتو يوجد منه دهبي وفضي انا ارشح الدهبي لانه مسرع للنمو ويوقف التساقط.
الشامبو سعره 65 و95 حسب الحجم والكبسولات المصري سعرها القديم 36 والجديد 54 والعلبة فيها 6 شرايط تكفي شهر.
اما الكبسولات المتوردة سعرها 210 والكامينوموتو سعره 200 جنية.

اما في حالات الصلع الوراثي:-
بنستخدم محلول اسمه revivogen ,وده بيمنع تكوين الDHT على الPAPILLA بناخد ملى واحد صباحا وملى واحد مساءا .على فروة الراس .بنقسم الشعر بالطول كذا تقسيمة ونوزع المحلول بالطول علي فروة الراس ولما املى الخطوط الطولية كلها بالاصبع اوزعهم بالعرض.
وبناخد معاه روجين او ريجين او بيرفورما او هير باك .
وكل دول مسرعات لنمو الشعر واسعلرهم عالية جدا تصل ل 500 جنية ماعدا بيرفورما وهير باك اسعارهم في متناول الجميع.
ملحوظة مسرعات النمو مادتها الفعالة اسمها MINOXIDIL في منها تركيزين الرجالى 5% والحريمي 2% ولو البنات استخدموا 5% هايطلع شعر فى الوجه والرقبة.
ملحوظة اخرى لو استخدمت مسرعات النمو لوحدها الشعر هايتقل اه بس كدة كدة الدى اتش تى هايوصل له هايوصل له.
ولو استخدمت ريفيفوجين لوحده الشعر هايفضل على كده ومش هايتقل خالص. بس مش هايخف عن كدة.
الملحوظة التالتة والاهم وهي ان كل علاجات الصلع الوراثى استخدامه مدى الحياة يعني مش بابطل العلاج طول مانا عايش
وعلى فكرة مش هى دى بس العلاجات الوحيدة في حاجات تانية كتير واسرع لكن محظورة للبنات والحوامل والرجال المتزجين. وانا مش هاكتبها خوفا انى اتسبب فى اذى حد.
اتمنى ان اكون قد وفيت الموضوع حقه والممت بكل جوانبه . والله يعلم كم تعبت في هذه المشاركة. والله يعلم انى لم ابخل بمعلومة واحدة.
رد مع اقتباس
  6 (permalink)  
قديم 2010-06-01
اميره بقلبى اميره بقلبى غير متواجد حالياً
.:: من كبار الشخصيات فى المنتدى ::. (افضل شخصية فى المنتدى لهذا الشهر )
افتراضي

السلام عليكم موضوع رائع تسلم ايدك وعندى سؤال بعد ازنك

بنسبه لشعر سمعت ان الحنه بتغزى الشعر اوى وبتقويه وناس كتير نصحونى احنى شعرى عشان احافظ عليه بس الكوفيرا بتاعتى بتقولى انهابتنشف الشعر هل ده صحيح وانا صراحه عاوزه اتاكد من المعلومه دى لانى بخاف استعمل اى حاجه لشعرى عشان احافظ عليه وعلى طبعته
رد مع اقتباس
  7 (permalink)  
قديم 2010-06-01
HEBA HEBA غير متواجد حالياً
عضو
افتراضي

والله يااستاذ ذكى مقدرش اقول غير ربنا يخليك لينا بجد
المعلومات دى متتخيلش فادتنى وبتهمنى اد ايه
بجد مشكور جدا جدا جدا
وياريت تقولى ياهبه لانى مش بحب الالقاب
وان كان فى استاذ يبقى اكيد حضرتك الاستاذ
واستنانى هسال تانى يارب متزهقش منى:eh_s(7): :eh_s(7): :eh_s(7): :eh_s(7): :eh_s(7): :eh_s(7):
رد مع اقتباس
  8 (permalink)  
قديم 2010-06-02
zakkoka zakkoka غير متواجد حالياً
::: دكــتـور تـجمـيل :::
افتراضي فوائد الحنة

يا استاذة اميرة
اولا انا مبسوط لمشاركتك وعايزك تسألي على اد ماتقدري.

نبات الحنة
من اروع النباتات التى اثبتت فعاليتها فى حل الكثير من مشاكل الشعر.
الحنة ملون طبيعي للشعر تغطي الشعر الابيض فقط يعني مش هاتمسك فوق صبغة ولا تفتيح ((هاى لايت او ماشيت )) لازم الشعر يكون بلونه الطبيعي او مر فترة كبيرة على تلوينه .
الحنة مهدئ طبيعي لفروة الراس الحساسة.
الحنة توقف افراز الدهون الزائدة وتقضي على القشرة في فروة الراس وتقضي على البكتريا والفطريات وتحد من عمل البكتريا الاهوائية التي تسبب التهابات فروة الراس.
الحنة تقوي الشعر لاحتوائها الفييتامينات التي يحتاجها الشعر.
الحنة تقلل من تساقط الشعر .
الحنه يمكنك استخدامها حتى ولو كنتى حامل او اثناء الرضاعة.
الحنة تسرع التئام الجروح البسيطة في فروة الراس.


الحنة هي المركب الاساسي لكل مكونات تركيبات الشعر الصينية والكورية فهى مفيدة جدا ومش بتنشف الشعر وطبعا لايمكن الكوافير هايكون بيفهم في النباتات اكتر من الناس دى.
والحنة اللي يقصدها الكوافير مش نبات الحنة هو يقصد حنة جلورى او كوين اللى هى باكيتات صغيرة ودى مش حنة اساسا دى شوية حنة صغيرين والباقى الوان كيميائية.

الحنة لو وحشة مكنش اتعمل صبغة بالحنة كنوع من التمويه لاضرار الصبغة ومكنش اتعمل كريم شعر بنبات الحنة.
نصائح هامة :: لاتثقى نهائيا في الكوافير لانه مش فاهم يعني المعلومة العلمية عنده ضعيفة جدا وبيقول اى كلام وخلاص بغرض انه يبقى رد على سؤالك .
وكل هدفه انه يبيع لك المنتج اللى عنده عشان يكسب فلوس منك.
وزى ما قلت لك الكوافير مش فاهم في التجميل نهائيا ومهما كان كوافير شاطر مش هاتلاقي معاه شهادة اكبر من الاعدادية.
استخدمى الحنة وماتخافيش ولو نشفت لك شعرك استخدمي بلسم هايطرى لك شعرك كويس.
رد مع اقتباس
  9 (permalink)  
قديم 2010-06-02
HEBA HEBA غير متواجد حالياً
عضو
افتراضي

مشكور استاذى لكل المعلومات بس سؤال لو الشعر ضعيف روبيتساقط يستحمل الحنا
وكمان من فين نجيب الحنة الكويسة واللى بتدى لون للشر بالوقت نفسه
وكمان هل فعلا لزيت اللوز المر اثار ايجابية على البشرة ولمحو علامات التقدم بالسن عند الكبار
ومحو اثار حب الشباب عند الصغار
؟؟؟؟؟؟؟؟؟؟
وميرسى ليك لوجودك معانا
رد مع اقتباس
  10 (permalink)  
قديم 2010-06-02
HEBA HEBA غير متواجد حالياً
عضو
افتراضي

ها ايه رايك يااستاذ ذكى؟؟؟؟؟
رد مع اقتباس
إضافة رد

مواقع النشر (المفضلة)

الكلمات الدلالية (Tags)
لأول, مايخص, لعيون, موضوع, المنتدى, التجميل, حصريا, شامل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Facebook Comments by: ABDU_GO - نجوم

الساعة الآن 10:18 AM

روابط هامة
All Rights Reserved to Nogooom.com - Designed By

اخلاء مسئولية

 يخلى موقع نجوووم | منتدي نجووم مسئوليته عن اى مواضيع او مشاركات تندرج داخل الموقع ويحثكم على التواصل معنا ان كانت هناك اى فقرة ( موضوع - او مشاركة ) تتضمن اى انتهاك لحقوق الملكية الفكرية او الادبية لاى جهة - يقع عليها اى ضرر من اى شكل نتيجة استخدام الموقع بالتواصل معنا من خلال البريد الالكترونى التالى admin@nogooom.com .وسيتم اتخاذ الاجراءات اللازمة من مسح او تعديل هذه الفقرة ( موضوع او مشاركة ).

  جميع المشاركات المنشورة بالموقع لا تعبر بالضرورة عن رأى الموقع او ادارته وانما تعبر فقط عن راى كاتبها ويتحمل وحده فقط مسئوليتها تجاه اى جهة اخرى .

 إن مشرفي وإداريي منتدي نجوووم بالرغم من محاولتهم منع جميع المشاركات المخالفة، فإنه ليس بإمكانهم استعراض جميع المشاركات. وجميع المواضيع تعبر عن وجهة نظر كاتبها، ولا يتحمل المنتدى أي مسؤولية ( جنائية - قانونية ) عن مضامين المشاركات وان وجدت اى مخالفات على الجهة المتضررة التواصل مع ادارة الموقع لمسح او تعديل هذه المخالفات عن طريق البريد الالكترونى التالى admin@nogooom.com


Search Engine Friendly URLs by vBSEO